Adive reslo o Komisioneri Europake Uniyako vash Buhlaripe

Adive ani Kosova resla o Komisioneri vash Europake Uniyako buhlaripe Stefan Fyle, ov ani Kosova arakhlilo e Talosheruneministrea Hajredin Kuqi thay e ministra vash europake Integripya Vlora Citaku.

O Stefan Fyle vakergya kay e Prishtina thay o Beogradi sito pashe vash o pheripe e butyengo vash Europako Integripe, Numay ov vakergya kay e Kosova manglape te mothavel buderi kurayo ano Krisesko implementipe, maripe mamuy e korupcia thay ekonomikuno buhlaripe. Akala komentia o Fyle kergya palo beshipe e Talo sheruneministrea Hajredin Kuqi thay e ministra vash europake Integripya Vlora Citaku. O Fyle dengya nota vash e Kosovako ji akanutno progresi kote vakergya kay akava progresi si sar rezultati e Kosovaka butyako koya kergya ji akana thay o yaver bajakya kola ka decisinen o jenipaske themya ji pe Yuni. Numay o Talo sheruneministri Hajredin Kuqi naysingya e Fyle vash e vizita ani Kosova kote vakergya kay sakova beshipe mothavla o resipya kola ule ani Umal vash Europako Integripe thay leyipe e obligaciyengo