Adikerdilo o 4. Kongresi e romana politikuna partiako PREBK

E Romani Kosovaki Yekhipeski Partia PREBK, kurko dive adikergya poro shtarto Kongresi koya pandar yekh ver rialosarde e Haji Zulfi Merja vash o sheruno e partiako thay yaverinde o statutarno dokumenti e leparna partiako.

Ayekha sherdingya o shtarto Kongresi e Yekhuna Romana Partiako ani Kosova PREBK, koya ani pherdi sala ano Prizren koya kedingya nesave kosovake dizenge Romen. Ano leparno beshipe diskutisalo e jiakanutni buti e partiako sar kay o yaveripe e jiakanutno Romana Partiako statutarno dokumenti. Mashkar o Romane reprezentya thay Romane delegatya, sine kharde ini nesave amalikane politikune personalitetya kotar o centralune thay lokalune institucie. Bi nisavo mamuy kandidati ano shtarto kongresi e partiako PREBK, alosardilo pandar yekh ver o sheruno e partiyako o ji akanuntno presidenti Haji Zulfi Merxha, sar kay nesave neve jene ano sherunipe akala partiako.