Krasniqi na yaverinla e politikuni partia

O sheruno e Kosovake Sombeshipesko Jakup Krasniqi, deklaringya adive palo beshipe e sherunipeske beshipesko, kay na si te ovel kotor e sherunipeske strukturengo ano PDK.

O sheruno e sombeshipesko Krasniqi, vakergya kay na si te yaverinel e PDK partia vash e yaver partia. O politikuno subyekti vash o politikuno subyekti na yaverinava, lepargya o Krasniqi. O sherunipe e Sombeshipesko decisingya kay e avuni seanca te adikergyol e 28 februarea thay e 1 to martea. O sombeshipe si te diskutinel o mangipe e Parlamentaruna Grupako e LDK -eski, vash e parlamentaruni debata vash o kompesipe e pensionalune kontributyengo kola dendile ji pe 1999 to. bersh. Sar kay si te raportinel o sheruno Kosovako ministri Hashim Thaqi, vash o palune vakeripya kola ule e serbyuna riga ano Bruksel. O sombeshipe si te diskutinel ini vash o mangipe e miskhkoipeski Vetvendosye vash o demonstracie e 10 februareske e bersheske 2007.