Yahyaga - Nikoliq kedipe ajukergyola te ovel tasya

Tahara ano Bruksel, ajukergyola te adikergyol o kedipe mashkar e themeski presidenta Atifete Yahyaha thay olako homologi kotar e serbia, Tomisllav Nikoliq.

Biphanglo odolestar kay o kedipe mashkar e Yahyaga thay Nikoliq dikhlola sar simbolikuno, ov ayekha vi notadeisalo sar mahatno, palo odova kay sito angluni ver kay arakhlona o duy themeske sherune. Yahyaga deklaringya kay o kedipe sile resipe vash yekh phero halovipe, respektindoy o evropake norme thay standardya, leindoy kotor akate vi o mashkarthemutne konvente. “Amen ka da phikoipe e jiakanutne proceseske ano dialogi, kova phiravgyola kotar o sherune ministrya e duye themyengo, kova phirvagyola kotar e Evropaki Unia thay phikoingyola zorale kotar o Yekhune Amerikake Themea”, vakergya e Yahyaga. Kotar o themeske institucie, akava kedipe komentingyola ani ververutne godinipya. Themeski presidenta baziringyola pe themeski konstitucia thay krisya. Ki yaver rig, olako arakhipe e Nikoliqea mamuyingya e organizacia “Dayengo Kharipe” kola direktisale yekhe puterde lileya e presidentake, Atifete Jahjaga, rodindoy olatar kay ma te arakhelpe e srbiake presidenteya, Tomislav Nikoliq.