Yaveringya o jivdipe eks deputeti Haji Zylfi Merxha

Ko parastuy dive palo mismeri pe data 15.05.2015 ano poro 82. bersh yaveringya o jivdipe o presidento e romana partiako PREBK, Haji Zylfi Merxha.

R. Merxha palo maripe ani Kosova sine romano deputeti e Kosovake Sombeshipesko vash trin mandatya. Sar romengo lideri ani Kosova sine vi hramarno e Deklaratako vash Kosovako Biumlavipe thay dengya poro kontriubuti ano kosovake themesko formiripe. Olesko parunipe ka ovel adive, 16.05.2015 pe ora 13.00 h. Funeraluno palikeripe shrdela kotar olesko kher ano drom Nysret Seharsoj gn. 26 ano Prizren.