Programi pe romani qhib ani Radio Kosova 2 e neva skema

Amare kurkoske autorialune emisie e programesko pe romani qhib ani Radio Kosova 2 shay, ano sasavo vahti, te shunen ani amari interneteski qham. Emisie ka yaveringyon sakova kurko.

Programi pe romani qhib ani Radio Kosova 2 kotar o novembri 2013. sile nevi programeski skema. Programi pe romani qhib Romtegra ani Radio Kosova shay shunena sako dive kotar e ora 20:00 ji pe 21:00 ano frekvencie 92.4 mhz, 93.3 mhz 97.7 mhz. Amari emisia shay te shunen live vi prekal amari web qham rtklive.com/ro Pe ora 20:00 shrda e nevipyenga edicia thay palo odova shay shunena aktualitetya kotar amaro than, romenge thanipya, regioni thay may buhle. Kotar e ora 20:30 shay shunena o autorialune emisie kola gatisarena amare zhurnalistya ano ledeipe e korespodetnyencar. Sakova luya dive simen musafiri ano studio thay informacie ani rubrika Romani Info Agencia. Sakova marte dive ana tumenge e emisia `Edukipe thay Avipe` koya lelape e sah ovipyencar vash skoluipe thay edukipe e romane komunitetesko. Emisia gatsiarena Edis Galushi thay Avdi Misini. Shoyune diveste gatisara tumenge emisia `Standardikane Alavya` kote vakera vash ververutne puqipya phanglo e romana standardizima qhibya, simen vi romologya, lingvistya thay ververutne musafirya kola lenape e puqipea e romana qhibyako. Emisia gatisarela Avdi Misini. Parashtuy dive sito rezervimo vash emisia `Roma ani Evropa` koya lelape e may neve aktualitetyencar vash o roma ani Evropa thay may buhle. Simen ververutne interviste, musafirya ano studio, ververutne raportya thay pandar but so. Emisia gatisarela Edis Galushi. Shoyuno dive anela tumenge `Qhavorengi Emisia` kote musafirya amara emisia siton o romane qhavore, simen shukarne paramisya thay laqhe qhavorenge gila. Ayekha vi ko shoyuno dive shay shunena o interesantune materialya kay gatisarena amare kolege kotar e romani emisia ano Suediako Publikuno Radio. Ko purano kurko kurko ana tumenge emisia `Penjara e Kosova`. Ka phirava tumen ano ververutne thana e kosovake vash te mothava tumenge phanglo e barvalipyencar kay sile amaro them. Pashe sah akava simen vi shukarni muzika. Amare kurkoske autorialune emisie e programesko pe romani qhib ani Radio Kosova 2 shay shunena ano sasavo vahti ani amari interneteski qham. www.rtklive.com/ro SHUNIPE SILE YEKH NAV RADIO KOSOVA/Programi pe romani qhib `Romtegra`