NEVO PAPA O KOSOVAKO SHERUNOMINISTRI THAQI LELA KOTOR

Ani yekh solemyuni ceremonia ano Vatikan ani Italia, adive adikerdilo o inauguripe e kardinalesko vash o papa Francesko angluno. Ani akaya ceremonia lele kotor yekh baro gendo e dizunengo thay 150 themyenge liderya mashkar olende ini e Kosovako sherunoministri Hashim Thaqi.

Adive ano mashkar e buderi dizunengo thay 150 thenyenge lideria ulo o inaguripe e Horhe Mario Bergoljo sar nevo papa ano Vatikan, kote ini perjargyola e navea Papa Franqesko. Akava sito angluno alosardo papa kova avela kotar e Jugbiyanipeski Amerika. O papa Franqesko bahtakergya sa e kotorleutnen kote phirgya yekhe vrda thay bahtakerindoy olen ano drom SHEN PJETRI, kote ini sherdingya e ceremonia ano Vatikan. Numay ani akaya ceremonia lela kotor ini e Kosovako sherunoministri Hashim Thaqi kote ini informingya e neve Papa vash o reslo progresi ano formiripe e Kosovake themesko, thay rodla olestar penjaripe e Kosovake themesko kotar o Vatikani. O Thaqi ini araklilo e yaverune themeske liderynencar.