Adive arakhlile o Nacionaluno Konsilesko Europake Integip...

Kosovaki presidenta Atifete Jahjaga ano adisuno beshipe e Nacionalune konsilesko vash Europako Integripe vakergya kay e Kosova phirgya angle ano dromipe vash putaripe e negociaciyengo vash o lekanipe vash stabilizipe-asociipasko thay kontraktualune ledeyipya mashkar e Kosova thay Europaki Uniya.

Sar vakergya e Kosovaki presidenta Atifete Jahjaga, Evropako integripe thay lekanipya dena shaipe vash o konsidulipe vash o phiravipe e themesko ani Eropaki agenda thay akava sahastarno procesi ano sigunodromipe vay reformipe ano sah malipeske sektoria. Amen siyam interesime te phera o sah kriteria vay standardia odoleske kay amen shay kera yekh stabiluno them thay yekh demokratikuno malipe. Numay Sheruno e Kosovake sombeshipesko Jakup Krasniqi, vakergya kay sah siton gojale kay Evropako integripe thay dromipe na sito lokho thay manglape mangipe kotar o politikune lideryuna thay politikune partie. Numay o sheruno e partiyenge LDK thay AAK vakerde kay siton vash te ovel pozitivune yaveripya ano ekonomikuno buhlaripe thay ano keripe e reformyengo vash o zoralipe e krisyengo thay themesko akalea ovla sine funksionishipe e themeske administraciyako thay aqhavipe e organizime krimyengo vay korupciako. Numay o lideri e partiako AKR, Begjet Pacoli, na sine qalarno kote qhivde ole te beshol ano adisuno beshipe ov odoleske ini mukhla akava beshipe.