Fituesi me mjekër i Eurovisionit:Asnjëherë nuk kam dashur të jem femër

Fituesi me mjekër i Eurovisionit:Asnjëherë nuk kam dashur të jem femër

Austriaku Tom Neuwirth, i cili e fitoi Eurovisionin në vitin 2014, si një femër me mjekër me emrin Conchita Wurst me këngën “Rise Like a Phoenix”, u ka thënë mediave gjermane se mendon që i ka ardhur fundi Conchitas.

Ai ka thënë se dëshiron ndryshime në karrierë dhe se është në kërkim të diçkaje të re, për këtë arsye konsideron se është koha që “ta vrasë” personalitetin e tij të dytë.

“Me femrën me mjekër nga Eurosongu fitova gjithçka. Nuk kam më nevojë për të”, ka deklaruar  Neuwirth për gazetën gjermane Welt am Sonntag.

Conchita ka thënë më tej se së shpejti do të mbushë 30 vjet dhe është koha që t’ia vë vetes disa pyetje të caktuar, ndërsa mes tyre është fakti se asnjëherë nuk ka dashur të bëhet femër.

“Kur më afrohen meshkujt si Conchita, aspak nuk më tërheqin. Atëherë ndihem krejtësisht aseksual/e”, ka thënë këngëtari.

Conchita Wurst është një këngëtar/e austriak/e që u bë e njohur botërisht pikërisht pas triumfit në ‘Eurovision Song Contest 2014’.

Neuwirth shfrytëzon përemra mashkullorë për ta përshkruar veten, ndërsa kur flet si Conchita shfrytëzon përemra femërorë. Kështu që i konsideron dy personalitete të ndara.

Sidoqoftë, në bazë të deklaratave të tij të fundit, duket se ka vendosur që të mbetet vetëm mashkull. /Telegrafi/