Femrat e bukura dëmtojnë shëndetin

Femrat e bukura dëmtojnë shëndetin

Takimi me një femër të bukur mund të jetë i keq për shëndetin tuaj, thonë studiuesit.

Femrave të bukura nuk u duhet shumë kohë që të të dëmtojnë shëndetin; u mjaftojnë edhe pesë minuta. Në këtë përfundim ka mbërritur një studim i Universitetit të Valencias në Spanjë. Pesë minuta vetëm me një femër tërheqëse rrit nivelet e kortizolit, hormonit të stresit të trupit.

Sipas autorëve të studimit, efektet janë më të mëdha tek meshkujt që takohen me një femër të bukur dhe besojnë që ajo është ‘e paarritshme’ për të.

Në studim janë përfshirë 84 meshkuj, të cilët janë mbyllur në një dhomë për periudha të ndryshme kohore që varionin nga pesë minuta deri në një orë.

Reagimi i meshkujve ishte i ndryshëm në shumë aspekte, por fizikisht thuajse i njëjtë. Tek të gjithë u vu re një rritje e nivelit të hormonit kortizol.

“Disa meshkuj e kanë të lindur dhe i shmangin femrat tërheqëse që në momentin që mendojnë se janë të paarritshme për ta, por pjesa më e madhe e tyre tërhiqet dhe trupi reagon me prodhimin e hormoneve, veçanërisht kortizolit”, thuhet në studim.

Në fakt, në doza të vogla kortizoli kanë efekte pozitive pasi ndikojnë në përqendrimin dhe vetëbesimin, por në doza të larta dhe në mënyrë kronike mund të përkeqësojë sëmundjet e zemrës, diabetin, tensionin e lartë dhe impotencën. /revistapsikologji.com