A u iniciua mocioni për rrëzimin e Qeverisë Mustafa nga PDK?

A u iniciua mocioni për rrëzimin e Qeverisë Mustafa nga PDK?

Nisma për Kosovën, konkretisht kryetari i kësaj partie, Fatmir Limaj, inicio një mocion mosbesimi për Qeverinë Mustafa i cili mori përkrahjen e shumicës në Kuvend.

Mirëpo, pati akuza të ashpra nga Lidhja Demokratike e Kosovës se kjo nismë ishte e Partisë Demokratike të Kosovës, ndërsa Nisma ishte vetëm lodër në këtë çështje.

Këto akuza kryetari i Nismës, Fatmir Limaj në një intervistë për lajmi.net, i hedh poshtë duke thënë se nuk bëhet instrument i askujt, andaj nisma e mocionit ishte kryekëput e kësaj partie.

“Unë besoj se ata e dinë, unë kam marrëdhënie komunikimi, bashkëpunimit ose ma mirë të them njohje personale me të gjithë akterët politik dhe ata e njohin mënyrën e funksionimit tim, e dinë pak a shumë vizionin dhe konceptin se si funksionoi në politikë, e dinë se nuk bëhem instrument i askujt”, tha Limaj.

Zëvendëskryeministri sqaron se çështja e mocionit ka qenë ide e tyre kthyer në një iniciativë e shfrytëzuar me të drejt kushtetuese për t’i hapur një mundësi tjetër Kosovës. Këto dhe detaje të tjera i gjeni në intervistën më poshtë.