Avokadoja më e rëndë në botë

Avokadoja më e rëndë në botë

Avokadot shpejt po bëhen një prej frutave më të kërkuar në botë.Së fundmi është thyer një rekord interesant për këtë frut.

Pamela Wang nga Amerika gjeti një avokado e cila peshonte 2.37 kilogramë. Kjo është rreth 14 herë më shumë se pesha mesatare e një avokadoje, transmeton Albinfo.ch.

Ajo e gjeti këtë avokado të çuditshme teksa kishte dalë të merrte gazetën në Kealakekua në Hawaii. Duke ecur kishte parë frutin e rënë nga pema. Pasi kishte rënë nga pema, ajo llogaritet si e lirë për t’u marrë nga kushdo.

Deri tani, rekordi qëndroi për tetë vjet. Avokadoja që mbante rekordin e shkuar peshonte 2.19 kilogramë dhe ishte rritur nga Gabriel Ramirez Nahim në Venezuelë.