Dhjetë aksidente trafiku në Shkup, një i vdekur

Dhjetë aksidente trafiku në Shkup, një i vdekur

Një person humbi jetën, një tjetër ka marrë lëndime të rënda trupore, ndërsa tetë janë më lehtë të lënduar, në dhjetë aksidente trafiku të cilët kanë ndodhur mbrëmë vonë në rajonin e SPB Shkup.

Njëzet e dy vozitës janë përjashtuar nga komunikacioni, pesë prej të cilëve kanë vozitur nën ndikimin e alkoolit. Nga trafiku janë përjashtuar edhe 12 vozitës të cilët kanë vozitur para se të marrin të drejtën për të drejtuar automjetin, ndërsa 29 persona kanë vozitur me shpejtësi më të madhe nga e lejuara. Nga trafiku janë përjashtuar edhe 12 vetura të paregjistruara.

Për parkim të parregullt janë shqiptuar masa për 84 vozitës, ndërsa automjeti special “merimanga” ka marrë 74 automjete.

Policia e trafikut ka regjistruar edhe katër vozitës të cilët kanë kaluar në drittë të kuqe të semaforit, tre të cilët nuk kanë dhënë të drejtë kalimi në udhëkryq, një i cili ka bërë tejkalim të parregullt, ndërsa gjashtë vozitës nuk kanë pasur pajisje dimërore. 

Sektori për Parandalim pranë SPB Shkup do të realizojë punëtori edukative në SHF - "Naum Naumovski Borçe" në komunën e Gazi Babës.