Marsh kundër dhunës ndaj grave në Maqedoni

Marsh kundër dhunës ndaj grave në Maqedoni

Gra me profesione të ndryshme sot me rastin e 8 Marsit marshuan nga Parku i Gruasderi në sheshin Filipi i Dytë, në Maqedoni, duke rekomanduar të hidhen poshtë stereotipet dhe të thonë "JO" për dhunën dhe urrejtjen ndaj gjinisë femërore.

"Me këtë marsh përveç që i ftojmë gratë, u bëjmë thirrje edhe etërve tanë, vëllezërve dhe djemve të solidarizohen me gratë në Maqedoni dhe së bashku t'i hedhim poshtë stereotipet dhe etiketat që na kufizojnë të gjithëve dhe t'u themi "JO" dhunës dhe urrejtjes  ndaj grave", porositën pjesëmarrëset e marshit.

Në marsh u bashkëngjiten edhe kryeministri Zoran Zaev, zëvendëskryeministrja dhe ministre e Mbrojtjes Radmilla Shekerinska, ministrja e Punës dhe Politikës Sociale Milla Carovska, ministri i Shëndetësisë Venko Filipçe dhe kryetari i komunës së Karposhit, Stefan Bogov.

Marshin e organizuan Platforma për barazi gjinore dhe aktivistet për të drejtat e grave.