Gomat që pastrojnë ajrin derisa vozitni

Gomat që pastrojnë ajrin derisa vozitni

Kompania Goodyear ka zbuluar konceptin e gomave që absorbojnë ajrin e ndotur në rrugë.

Gomat kanë myshk që shndërron dyoksidin e karbonit në oksigjen, transmeton KosovaPress.

Ato gjithashtu kanalizojnë lagështinë nga rruga në bimët e thjeshta.

Energjia e prodhuar nëpërmjet fotosintezës përdoret për të fuqizuar AI në bordin e gomave.

Prezantimi i gomave është bërë në sallonin e automobilave në Gjenevë.

Kompania me bazë në Akron, Ohajo, pohon se në një qytet me madhësi të Parisit, me rreth 2.5 milionë automjete, gomat do të largojnë më shumë se 4,000 tonë të dyoksid karbonit çdo vit.

Po ashtu do të prodhojë 3,000 tonë oksigjen për vit.

Goodyear thotë se gomat jo-pneumatike do të jenë më të qëndrueshme se sa gomat aktuale dhe do të qëndrojnë më shumë.