Theret me thikë një nxënës në Pejë

Theret me thikë një nxënës në Pejë

Pas një mosmarrëveshjeje ndërmjet dy të miturve, njëri ka përfunduar i therur me thikë gjatë ditës së sotme në Stacionin e Autobusëve në Pejë.

Bëhet e ditur se viktima është dërguar në spital dhe gjendja e tij është e qëndrueshme ndërsa dorasi është arrestuar nga policia.

Lajmin e ka konfrimuar edhe zyrtari për informim nga Policia e Pejës, Driton Rugova. Mësohet se ky incident ka ardhur si pasojë e një mosmarrëveshjeje.

“Rreth orës 12:40 jemi informu se në Stacionin e Sutobusëve ka ndodhur një rast. Njësitet policore kanë dalur në vendin e ngjarjes. I dyshuari i mitur pas një zënke me një të mitur, e ka sulmuar me thikë. Viktima është dërguar në spital dhe gjendja e tij është e qëndrueshme”, tha Rugova për lajmi.net.

Po ashtu i mituri që ka përdorur mjetin e mprehtë për të sulmuar viktimën është arrestuar nga policia. Me këtë rast është konfiskuar edhe mjeti i përdorur ndaj viktimës.