Smoothie jeshile përplot vitamina

Smoothie jeshile përplot vitamina

Ndryshe nga lëngjet, smoothie jeshil janë ushqime të plota, të pasura me fibra.

Janë më të shijshme seç duken, pasi në shije dominojnë frutat, ndërsa jeshilliqet balancojnë ëmbëlsinë e saj.

Vitaminat dhe mineralet asimilohen më mirë nga trupi duke reduktuar tundimin për ëmbëlsira, fast food dhe duke ndihmuar dobësimin.

Pastrojnë trupin, duke eliminuar toksinat dhe ujërat e tepërta.

Smoothie me mollë dhe selino

Përbërësit:

1 filxhan ujë

1 tufë Sallatë jeshile e prerë hollë

3 bishta selino

Gjysmë tufë spinaq

1 dardhë

1 mollë jeshile

1 lime të shtrydhur

Përgatitja: në fillim hidhni në blender sallatën jeshile dhe grijeni derisa të bëhet e butë. Pastaj shtoni spinaqin, selino, mollën dhe dardhën.  Dhe në fund hidhni lëngun e lime. Grijini mirë derisa të përfitoni një pije të njëtrajtshme. Mund ti shtoni majdanoz ose koriandër për më shumë shije.