Rekord i rasteve të fruthit në Evropë

Rekord i rasteve të fruthit në Evropë

Rastet e fruthit kanë shënuar një rekord të lartë në të gjithë Evropën me më shumë se 41,000 fëmijë dhe të rritur të infektuar në gjashtë muajt e parë të këtij viti.

Kjo shifër është pothuajse dyfishi i numrit më të madh të rasteve vjetore të regjistruara që nga viti 2010.

Të paktën 37 njerëz mendohet se kanë vdekur për shkak të sëmundjes shumë ngjitëse deri më tani këtë vit, edhe pse nuk ka pasur viktima në Mbretërinë e Bashkuar.
Ndërmjet korrikut 2017 dhe qershorit 2018, në Britani kishte afër 1000 raste të fruthit, krahasuar me 531 raste të konfirmuara në gjithë vitin 2016.
Ndërkohë, në gjashtë muajt e parë të këtij viti ka pasur 760 raste në Mbretërinë e Bashkuar vetëm në krahasim me 187 në gjysmën e fundit të vitit 2017.

“Pas numrit më të ulët të rasteve të vitit të kaluar në vitin 2016, ne po shohim një rritje dramatike të infeksioneve dhe shpërthimeve të zgjatura”, tha Dr.Zsuzsanna Jakab, Drejtore Rajonale e Organizatës Botërore të Shëndetësisë (OBSH) për Europën.

“Ne i bëjmë thirrje të gjitha vendeve që menjëherë të zbatojnë masa të përshtatshme për kontekstin për të ndaluar përhapjen e mëtejshme të kësaj sëmundjeje. Shëndeti i mirë për të gjithë fillon me imunizimin dhe për sa kohë që kjo sëmundje nuk eliminohet, ne nuk po përmbushim angazhimet tona të Objektivave të Zhvillimit të Qëndrueshëm”, përfundoi ajo.