Era Istrefi: “Ndihem e shëruar, pozitive, falënderuese dhe e bekuar”

Era Istrefi: “Ndihem e shëruar, pozitive, falënderuese dhe e bekuar”

Para pak javësh, këngëtarja e njohur Era Istrefi i është nënshtruar një operacioni për largimin e apendiksit apo siç njihet, zorra qorre.

E që nga atëherë ajo ka qenë më pasive në rrjete sociale, e cila pothuajse nuk ka shfaqur asgjë.

Për të gjithë adhuruesit e muzikës së saj, në postimin e fundit Istrefi sqaron se përse nuk ishte aktive në këtë kohë.

“Arsyeja pse nuk po postoj shumë kohëve të fundit, mund ta lidh tërësisht me këtë intervistë që e kam bërë para afro një viti.Qëndrimi ç’kyçur është luksi i ri. E kam kaluar kohën duke u shëruar pas ndërhyrjes kirurgjike dhe jam përqendruar në atë që më bën vërtet të lumtur dhe që më bën të ndihem si qenie njerëzore. Jam shumë e përgjegjshme për energjinë që jap, prandaj duhet të kujdesem që fillimisht gjithçka të jetë në rregull. Ndihem e shëruar dhe pozitive, falënderuese dhe e bekuar”, është përshkrimi që ia ka bërë videove.

Lirshëm mund të thuhet se ky vit ka qenë tejet i suksesshëm për Erën me projekte të shumta.