Kompania e parë ajrore “Air Albania”, ja kur nis fluturimin e parë

Kompania e parë ajrore “Air Albania”, ja kur nis fluturimin e parë

Finalizohet paketa e parë e fluturimeve “Air Albania” duke bërë që për herë të parë, një firmë me kapital shqiptar, privat dhe publik të ofrojë shërbime në fushën e fluturimeve. Informacionet paraprake bëjnë me dije që fluturimet e para do jenë drejt Stambollit, ndërsa në muajin Tetor, Air Albania do të ketë destinacione të tjera në qytetet kryesore europiane.

Roma, Londra, Milano do të jetë pjesë e fluturimeve të saj, ndërsa do të pasohet nga një program më i plotë muajt e ardhshëm me Athinën, Mynihun dhe Barcelonën.

Por përveç linjave europiane, Air Albania do të ofrojë edhe destinacione ndërkombëtare, ku për herë të parë do të ketë një linjë direkte Tiranë-New York, transmeton gazeta Shekulli.

Filozofia e “Air Albania” është kombinimi i biletave ekonomike me çmimet konkurruese në treg.

“Pritet që biletat të ulen me hyrjen e kësaj kompanie. Deri më sot shumica e linjave ajrore kanë patur çmime të kripura, kjo edhe për shkak të tarifave që ka vendosur koncesionari i Rinasit.”

Kompania do të udhëtojë me një flotë të re avionësh, jo më të madhe se 10 vjet, kur mosha mesatare e avionëve që udhëtojnë në Shqipëri është 18.5 vjeçare.

Avioni i parë është një Airbus 319. Ai do të mbajë ngjyrat e flamurit shqiptar dhe shqiponjën dy krenare.