Molliqaj: Në organet e PSD-së nuk e kemi diskutuar protestën e VV

Molliqaj: Në organet e PSD-së nuk e kemi diskutuar protestën e VV

Ish sekretari i Lëvizjes Vetëvendosje, Dardan Molliqaj, njëri prej zyrtarëve më aktiv në organizimin e protestave të Vetëvendosjes në të kaluarën, tha se PSD nuk e ka diskutuar fare brenda organeve të saj protestën e së shtunës që është thirrur nga VV.

“Nuk e kemi diskutu fare mosftesën për protestë. Nëse po flisni për diskutime formale brenda organeve, nuk ka qenë temë, ndërsa nëse pyesni nëse kam folur unë me ndonjë deputet tjetër, besoj që po”, tha Molliqaj, transmeton Kallxo.com

Ndërsa sa i përket protesës, Molliqaj thotë se e sheh si aktivitet normal të një subjekti politik.

Ai thotë se as nuk kanë pasur ftesë nga Vetëvendosje, ndërsa thotë se nuk kanë as bashkërendim të çështjeve.

“Për me marrë pjesë në partitë e aktiviteteve të njëra tjetrës, ato gjithnjë shkojnë përmes bashkëpunimit, ftesave edhe bashkërendimit të çështjeve mes vete që me marrë pjesë në çfarëdo aktiviteti, qoftë edhe protestë. Ne as s’kemi pasur ftesë e bashkërendim të çështjeve”, tha Molliqaj. 

Lëvizja Vetëvendosje ka paralajmëruar protestë për të shtunën e ardhshme, më 29 shtator.


MË SHUME NGA Aktuale