Misioni i KFOR-it sukses i popullit

Misioni i KFOR-it sukses i popullit

Intervistë e Komandatit të KFOR-it në ONAIR të Radio Kosovës.

A mund të fillojë (sërish) nga Ballkani edhe një luftë botërore?

Gjenerali Salvadore Couci gjatë intervistimit nga gazetarja Behare Bajraktari foli hapur për vijën “administrative” të Kosovës me Serbinë dhe nevojën për përcaktimin e kufirit, për sigurinë e shqiptarëve të Karaqevës, për patrullimin e mundshëm të policisë së Kosovës në këtë zonë, për mundësinë e ndërhyrjes ushtarake serbe në Kosovës, për rrugët alternative të kontrabandës në veriun e Kosovës, për armët e paligjshme, për armatën e ardhshme të Kosovës, për kontaktet me klerin ortodoks serb, dhe shumë çështje tjera me rëndësi jetike për Kosovën…

Sot është Dita ndërkombëtare e Paqës (21/09) dhe po e bëj kështu pyetjen, nëse paqja do të ndahej në nivele, në tri ngjyra sikur të semaforit; e kuqe e portokalltë dhe e gjelbër,në cilin cilën nivel është paqja në Kosovë?

Definitivisht jemi në të gjelbrën dhe të jem i sinqertë kjo është diçka që jemi krenar sepse KFOR-I është pjesë e këtij projekti të paqes në Kosovë dhe në rajon, dhe vetëm konsiderojeni para 19 vitesh kur KFOR-i hyri në Kosovë dhe situata atëherë ishte plotësisht tjetër.Në atë kohë i patëm 55 mijë ushtarë, tash i kemi më pask se 10 përqind të atij numri, kjo do të thotë se situata po përmirësohet dhe kemi dëshmi, prova se po shkon në rrugë të mbarë dhe kjo është për shkak të KFOR-it, por natyrisht edhe për shkak të institucioneve në Kosovë të cilat i kanë shtuar kapacitetet e tyre për t’u përballë me çështjet e sigurisë, gjithashtu edhe në Serbi është gjithçka në rregull.

Image may contain: 2 people, people smiling, people standing

Ju thoni që paqja është në të gjelbrën për derisa gjithë politikanët thonë se paqja është e brishtë?

Paqja nuk është e brishtë, do të thoja situata është e brishtë. Ne me operacionet tona, me misionin tonë po mundohemi ta stabilizojmë rajonin, gjithashtu edhe Kosovën. Në realitet ju keni ecur shumë mirë, kemi edhe dëshmi që zgjedhjet vitin e kaluar shkuan shumë mirë dhe kjo është shenjë e maturitetit dhe pjekurisë së popullit të Kosovës. Ne konsiderojmë që më nuk është koha e luftës, duhet të mendojmë të ecim përpara drejt integrimit në Europë, integrimi në komunitetin perëndimor, siç është NATO, dhe ky është një shteg i gjatë dhe sfidues, por jeni në rrugë të mbarë.

Kishit thënë edhe me herët se KFOR-i si mision i NATO-s është më i suksesshmi, ndërsa tash ju e përmendet që populli i Kosovës është maturuar. A është arritur paqja edhe fal popullit të Kosovës apo vetëm fal misionit paqeruajtës të KFOR- it?

Do të thoja që është një kombinim nuk mund ta definojmë KFOR-in si një mision të suksesit pa bashkëpunimin e plotë me popullin e Kosovës. Pas 19 viteve situata më të vërtet është përmirësuar, është bërë shumë më e mirë dhe të konsiderojmë se institucionet janë përmirësuar shumë dhe mund ta udhëheqin vendin siç duhet. Gjithashtu edhe organizatat e sigurisë nga ana e tyre kanë rritje të kapaciteteve dhe ato mund të përballen me probleme të mëdha të cilat mund të shfaqen këtu në Kosovë.

Po, por ju kishit deklaruar me ardhjen e Vuçiqit në Kosovë se jeni të gatshëm të ndërhyni, pse duhet të ndërhyni meqë nuk kishte shumë shqetësime, institucionet funksionojnë, gjithçka funksion, ju jeni rrethi i tretë pas Policisë së Kosovës dhe EULEX-it për ndërhyrje?

Kjo është pyetje me vend. Dhe kjo më jep mundësinë që të shpjegojë rolin e KFOR-it. Kur kemi të bëjmë me punët e policisë do të thoja se institucionet e Kosovës janë mjaft të zot, mund ta menaxhojnë situatën vetë. KFOR-i, është këtu në pajtim me rezolutën 12 44 dhe ajo është krejt diçka tjetër dhe në ofrojmë asistencë për policinë dhe çështjet e policimit si reagues i tretë. D.m.th, policia është reaguesi i parë, EULEX-i reaguesi i dyte, dhe KFOR-i reaguesi i tretë. Por kur kemi të bëjmë me gjërat e tjera, kur kemi të bëjmë me aspekte tjera të sigurisë atëherë KFOR-i është aktori kryesor në Kosovë. Gjatë vizitës së Vuçiqit ishim të gatshëm që të ndërhyjmë natyrisht sepse në rolin tonë duhet të ofrojmë siguri.

Se kjo mund të prekte sigurinë e përgjithshme ?

Po, por kjo nuk kishte të bënte mbi sigurinë e vendit, ishte vetëm siguria e përgjithshme e vizitës për shqetësime trazira të përgjithshme të cilat mund të shfaqen. Natyrisht ato janë punë të policisë por kur policia nuk mund të përballet vete mund ta thërrasin EULEX-in dhe KFOR-in për këtë arsye ne ishim të gatshëm që nëse do të kërkonin nga ne që të ndërhyjmë ne ishim aty në vendngjarje dhe do të intervenonim.

Kjo ishte si çdo protestë që qytetarët reagojnë dhe kur jemi te policia e Kosovës disa herë madje pati deklaruar që ata dëshirojnë ta sigurojnë kufirin në Karaqevë/Kamenicë, e kanë thënë edhe në takim me qytetarët se është e gatshme ta sigurojnë atë pjesë të kufirit por që ju nuk ua jepni lejen. Në protesta dëshironi të ndërhyni si KFOR por jo të ndërhyni në kufij ose ta siguroni atë pjesë kur qytetarët janë të pasigurtë ?

 

Kjo është diçka që është pjesërisht e vërtetë. Në realitet për të mbërri policia e Kosovës në Karaqevë është pakëz e vështirë se duhet të kalojnë andej vijës ndarëse kufitare që i bie në anën e Serbisë dhe kjo është e ndaluar. Sido që të jetë ne patrullojmë atje në të dyja fshatrat dhe jemi të pranishëm në fshatra dhe ne ofrojmë siguri.

Por qytetarët po thonë se nuk janë të sigurt, e deklarojnë çdo ditë publikisht?

Nuk ka prova se vendi është i pasigurt apo nuk ka siguri, ne e patrullojmë atë hapësirë në baza të përditshme dhe nuk kemi prova të krimeve apo çfarëdo kërcënimi nga ana serbe. Nuk kemi prova të çfarëdo telasheje që mund të jetës shqetësim për popullin e Karaqevës. Sido që të jetë ne jemi në kontakt të afërt me Ministrinë e Punëve të Brendshme, me Policinë e Kosovës dhe me Ministrinë e Infrastrukturës dhe po mendojmë ta zgjidhim këtë problem dhe e kemi një plan që do t’i mundësohej Policisë së Kosovës të arrijë në Karaqevë. Në realitet problemi të cilin e kemi tash me Policinë e Kosovës dhe që është e pamundshme që të mbërrijë atje sepse duhet ta kalojnë në anën serbe për patrullime.

 

Ashtu siç kalojnë xhandarmeria serbe në Kosovë është e njëjta që duhet ta bëjë edhe Policia e Kosovës ?

Në të vërtet nuk kemi prova që xhandarmeria serbe po kalon vijën e kufirit administrativ, sepse kjo nuk është e lejueshme, pasi që Policia e Kosvoës nuk mund të kalojë në atë anë dhe as xhandarmeria nuk mund të kalojë në këtë anë të vijës së kufirit administrativ, dhe kjo është detyra jonë. Sido që të jetë është një projekt i cili do të implementohet shumë shpejt dhe kjo do t’ia mundësoje Policisë së Kosovës që të mbërrijë në Karaqevë pa e kaluar vijën kufitare administrative.

 

Kur do të jetë ajo shumë shpejt ?

Jemi rrugës, dhe mendoj se Ministri i Infrastrukturës është duke shikuar që t’i gjej pronarët e tokave kah duhet të kalojë rruga.

 

Është e njëjta pyetje edhe për veriun e Mitrovicës me që KFOR-i siguron, ruan kufirit e Kosovës, por në veri të Mitrovicës ka korridore dhe sipas raporteve zyrtare dhe atyre të mediave këto korridore shërbejnë si rrugë alternative me Serbinë për kontrabandë dhe gjëra të paligjshme?

Ne jemi duke e bërë punën e njëjtë edhe në veri, ne patrullojmë tërë vijën e kufirit adminstrativ në mes të Kosovës dhe Serbisë sepse nuk ka kufijë është vetëm vija ndarëse administrative kështu që ne i kontrollojmë pikat e kalimit, por gjithashtu edhe vendkalimet ilegale siç ne i konsiderojmë të tilla. D.m.th ka rrugë të cilat mund të përdoren për kontrabandim, por ju sigurojë se jemi duke e bërë punën tonë në këtë fushë. Dua të them se Policia Kufitare e Kosovës dhe Dogana është duke u marrë me këtë çështje në mënyrë shumë të ashpër dhe strikte dhe janë duke e kryer punën e tyre.

 

Në raportet ndërkombëtare për Kosovën flitet se në Kosovë ka kontrabandë dhe gjëra të paligjshme, por ato bëhen në këto korridore të paligjshme me Serbinë. Në raportet zyrtare po flitet për ne ( popullin)?

Po, por është problem i Policisë së Kosovës, KFOR-i është forcë ushtarake ne mund të merremi me këtë ne e bëjmë këtë punë, por është kryesisht problem i policisë dhe kur them se situata është duke u përmirësuar dhe numri i ushtarëve të KFOR-it po ulet, kjo d.m.th se ju po i shtoni kapacitetet tuaja si shtet, si vend dhe se ju po i merrni përgjegjësitë edhe duhet të ndërmerrni veprime ndaj këtyre gjërave.

z.Cuoci më lejoni t’ju pyes edhe diçka tjetër; pse policia qenka përgjegjëse për këto korridoret në veri por sështë përgjegjëse me Serbinë në Karaqevë. Tash ku është përgjegjëse KFOR-i dhe ku është përgjegjëse PK-ja. Në të dyja anët qytetarët reagojnë tregojnë por ka edhe raporte zyrtare, tash ju e hidhni përgjegjësinë apo si?

Kjo është mjaft e thjeshtë, Karaqeva është nën përgjegjësi të Kosovës është çështje e Kosovës, por problemi është se për të mbërri atje duhet të kalojë në anën tjetër të kufirit, duhet të kalojë nëpër territor të Serbisë dhe kjo është diçka që nuk lejohet. Edhe derisa të zgjidhet ky problem me marrëveshje ndërkombëtare ata nuk mund të kalojnë në anën tjetër, nëse ka marrëveshje munden të kalojnë nëse s’ka marrëveshje nuk mund të kalojnë. E kemi dialogun në Bruksel nga BE-ja dhe kjo mund të jetë një çështje e dialogut dhe ata, kur them ata negociatorët mund të flasin edhe për këtë çështje. Derisa të definohet kufiri në mes të Kosovës dhe Serbisë kjo është situatë që nuk mund të ndryshojë.

Si derisa të behët kufiri, nuk do të jetë ky që është tani, po thoni se do të ndryshojë kufiri, me këtë ju po e paragjykoni dialogun përfundimtar se do të ndryshojë kufiri?

Kufiri duhet të definohet, kjo vija ndarëse administrative është një vijë që është vizatuar në hartë vetëm që t’i ndaj trupat, qëllimi i vijës ndarëse administrative nuk ka qenë që të definojë kufirin por vetëm ta definojë vendin ku është vija ndarëse në mes të trupave. Kështu që ne jemi duke u përmirësuar sepse e kemi liruar zonën e sigurisë ajrore dhe atë tokësore dhe tash e kemi vetëm vijen ndarëse administrative dhe kjo vijë ndarëse është që të mos kalojnë trupat në anën tjetër. Dhe kur them trupat nuk po them vetëm ushtarët, por nënkupton gjithashtu edhe forcat e sigurisë siç është Policia e Kosovës dhe xhandarmeria e Serbisë.

Ju folët për dialogun për bisedimet në Bruksel një prej atyre çështjeve që flitet për hetimet dhe gjykimet për krimet e luftës në Kosovë gjatë vitit 1998 – 2000 që përbën sfidë sigurie dhe që mund ta ndryshojë situatën këtë vjeshtë. Ju keni deklaruar se si KFOR mund t’i arrestoni këta persona?

Kjo nuk është detyrë e KFOR-it. Ju çka po i referoheni ka qenë ndoshta vetëm shqetësim dhe ju kam referuar shqetësimeve apo trazirave. Ju po i referoheni arrestimeve që ndoshta është ndonjë gabim teknik se nuk është detyrë e KFOR-it të arrestojë njerëzit.

 

Nuk është gabim teknik është deklaratë e juaja, ju keni thënë se nëse gjykata speciale i kërkon ju mund t’i arrestoni ata persona?

Në të vërtet nuk është KFOR-i, është Policia e Kosovës është EULEX-i, ne mund t’i mbështesim në rolin tonë sipas mandatit tonë, por ne nuk do të arrestojmë njerëz.

Ju e thatë se Kosova po ndërton institucionet e saj dhe duhet t’i besojmë institucioneve tona dhe nëse gjykata speciale kërkon arrestime ta bëjë Policia e Kosovës?

Nëse ata e bëjnë këtë s’do të ketë fare problem, kjo do të jetë në vendimin e një gjykate të specializuar dhe kur ndodhë kjo ata dërgojnë aktakuzat dhe ato duhet të ekzekutohen. Sipas të gjitha gjasave Policia e Kosovës do të jetë përgjegjëse, nëse jo, EULEX-i do të veprojë sepse EULEX-i i ka detyrat e policisë, por nëse i duhet asistencë për ta siguruar hapësirën dhe situatën ku do të ndërhyjnë ata edhe KFOR-i do ta bëjë pjesën e vet.

 

Në rezolutën 12 44 nuk parashihet Policia e Kosovës, as EULEX-I, as FSK-ja, si e keni rregulluar ju bashkëpunimin juridikisht?

Bashkëpunimi vjen nga zhvillimi i situatës në terren nga evolucioni. Kur i referohemi FSK-së ne nuk i referohemi UÇK-së, kur i referohemi Policisë së Kosovës ne i referohemi një evolucioni të Policisë Ndërkombëtare dhe në rezolutën 12 44 ka vend për evolucion të institucioneve. Tash Policia e Kosovës është një trup, një organizatë që është themeluar menjëherë pas Policisë Ndërkombëtare që është siguruar nga UNMIK-u.

 

Por juridikisht si do t’i rregulloni edhe këto bashkëpunime me që ju veproni me 1244 nuk njihni asnjë forcë tjetër në Kosovë, edhe pse ju po thoni që jeni palë e tretë e sigurisë por sipas kësaj çka shërbeni, ju jeni palë e parë?

Kur flasim për sigurinë si ushtar po ne jemi bartës të rezolutës 1244. Por në çështjet e policisë ne jemi ende reagues i tretë, sepse situata në terren ka ndryshuar. Rezoluta 1244 e ka ofruar një rregullim të situatës që i referohet asaj të vitit 1999 dhe pas saj i kemi pasur disa marrëveshje siç është ajo në Bruksel. Në Bruksel është definuar edhe përbërja e organizatave të sigurisë në Kosovë dhe kjo është diçka që është dakorduar në të dyja qytetet. Në lidhje me këtë çka është e rëndësishme të kuptohet se në vitin 2008 kur Kosova e ka shpallë pavarësinë e vet i ka themeluar institucionet e veta dhe ne merremi me organizatat e sigurisë së Kosovës dhe institucionet e Kosovës dhe nuk mund ta shmangim faktin se ato ekzistojnë.

Dua ti paraqes dy ngjarje në atë që folëm në fillim se KFOR-i ishte i gatshëm të ndërhyjë për disa protestues në Drenicë që e ndaluan ardhjen e Vuçiqit, por Ministri i Mbrojtjes së Serbisë Aleksandër Vulin ka deklaruar se është në gjendje gatishmërie nëse Kryeministri i Serbisë Aleksandër Vuçiq urdhëron të ndërhyjë në Kosovë. Janë dy gjëra të ndryshme por kanë diçka të përbashkët, si do të ishit mbrojtur ju apo si do ta mbronit Kosovën kur ju thoni se do t’i ndalonit diku 5 mijë protestues ndërsa Ministri i Mbrojtjes së Serbisë flet për gjëra të mëdha?

Kjo, kjo është shumë interesante. Dhe duhet të sqarojë situatën dhe mandatin e KFOR-it. Natyrisht nëse e shikojmë punën e policisë siç janë bllokadat rrugore KFOR-i është reaguesi i tretë sepse Policia e Kosovës duhet të jetë përgjegjëse për këtë. Nëse e respektojmë rezolutën 1244 kjo është një çështje tjetër dhe KFOR-i është në udhëheqje të këtij procesi. Shpresoj se tash u sqaruam.

 

Si do të garantohet siguria territoriale e Kosovës përderisa flitet se Serbia ka ndërtuar radar ajror në Leposaviç dhe me këtë i kontrollon zonën e Shqipërisë dhe të Kosovës , është raportuar në media se Serbia ka marrë leje nga KFOR-i?

Jo, jo nuk është e vërtet. Nuk ka instalime të radarit në Kosovë të cilat e kontrollojnë trafikun ajror për anën serbe. KFOR-i, është duke mbajtur përgjegjësi për trafikun ajror në Kosovë. Ne e kemi liruar hapësirën e lartë ajrore dhe ende është përgjegjësia e KFOR-it dhe ende e mbajmë hapësirën e ulet ajrore të trafikut mbi Kosovën që d.m.th askush tjetër nuk është përgjegjës për këtë.

 

Dhe ju garantoni?

Po, absolutisht.

 Ju mbani takime të rregullta me ushtrinë e Serbisë, takimi i fundit ishte me 23 gusht në aeroportin ushtarak të Nishit me gjeneralin e Forcave të Armatosura të Serbisë Lubisa Dikovic, takoheni në emër të Kosovës?

Unë nuk bisedojë me Forcat e Armatosura të Serbisë në emër të Kosovës por në emrin tim sepse e kam obligim jo vetëm me institucionet në Kosovë por edhe me institucionet në Serbi. Unë duhet të punojë me të dyja palët si KFOR dhe jo në emër të ndonjë institucioni apo të ndonjë kryeqyteti. KFOR-i, është i pa anshëm dhe ne duhet të merrmi ai me Beogradin ashtu edhe me Prishtinën në pajtim me mandatin tonë. Ne e sigurojmë Kosovën se nuk do të ketë forca që do të futën në Kosovë nëse nuk janë të autorizuara.

 

E kush duhet ta autorizojë, duhet dikush ta autorizojë ushtrinë e Serbisë të hyjë në Kosovë?

Po, unë.

 

Besojë që duhet të ketë diçka të shkruar, vendim të shkruar?

Po është 1244 thotë qartë se e Forcat e Armatosura serbe nuk mund të futën në Kosovë përveç nëse unë i autorizojë. Autorizimi që unë iu jap mund të jetë për takime për çështje tjera ushtarake, por s’kanë të bëjnë me operacione.

 

Pse nuk po i thoni atyre që xhandarmeria të mos hyjë në kufij të mos i shqetësojë njerëzit me që varet prej jush z.Cuoci dhe prej marrëveshjes 1244?

Në të vërtet nuk kemi dëshmi prova që hyjnë…

 

Pse, nuk janë prova qytetarët e Kosovës që LMT juaj shkon i takon çdo ditë bisedon me ta?

Sa herë që ka shkelje, shkelja sqarohet dhe verifikohet dhe nëse ka shkelje atëherë ekziston rruga e duhur për ankesë kundër shkeljes, por deri tash shkeljet kryesisht janë bë gabimisht pa qëllim nga të dyja anët. Nuk po i përmendi këtu vetëm shkeljet nga ana e Serbisë por edhe shkeljet nga ana e Kosovës. Ne jemi vigjilent dhe ne bëjmë hetim për çdo shkelje që raportohet.

Në reklamat e KFOR-it thuhet se në popullatë armët përdoren mbi 100 përqind. Me që i keni këto të dhëna përse nuk ndryshohet situata që të mos këtë armë në popull?

Do ta bëjmë kur është e domosdoshme, por kjo kryesisht është punë e policisë. Ju duhet të merrni përgjegjësinë edhe për këtë. Çka po bëjmë ne me këto reklama është se ne po bëjmë ngritjën e vëmendjes dhe gjithashtu përmirësimin e cilësisë së jetës.

 

A mos po vijnë këto armë nga ato korridoret e paligjshme në veri, nuk ndalohet atje por pastaj flitet se ka armë në popull?

Në rregull, por a keni prova, dëshmi për këtë?

 

Po i referohem të dhënave të reklamave të KFOR-it?

Të dhënat të cilat janë në reklama nuk kanë të bëjnë me kontrabandim ato janë të dhëna të cilat janë siguruar nga Policia e Kosovës. Sido që të jetë ne çka duhet të bëjmë është se nuk duhet t’i lejojmë të kemi sjellje të padrejtë që bëjnë gjëra negative. Siç është vajza 6 vjeçare Viktoria që u plagos nga një plumb qorr, këtë s’mund ta lejojmë dhe kjo është arsyeja pse ne po marrim veprime për ta edukuar popullin mos t’i përdorin armët.

 

Mbajtja e armës pa leje është e paligjshme nuk është më çshtje edukative, por unë e kam një pyetje tjetër. Qeveria ka miratuar pakon ligjore për shndërrimin e FKS në armatë, nëse kjo paketë, këto ligje miratohen në kuvend si do të veproni. Do ta ndalni krijimin e ushtrisë së Kosovës, do të tërhiqeni prej Kosovës apo do të heshtni duke qëndruar si ushtri miqësore. Si do t’ia bëni?

Të kthemi edhe një herë tek puna e armëve. Kjo është diçka që ju duhet ta merrni përgjegjësinë si shtet, sepse Polica e Kosovës i arreston personat për shkak të armëmbajtjes por të nesërmen i liron. Nëse doni ta ndaloni këtë trafik dhe armët në Kosovë masat ligjore të cilat duhet t’i zbatoni dhe duhet të jeni shumë më konsistent se sa lirimi personave të nesërmen.

Ndërsa sa i përket FSK-së kjo është diçka që është punë e Kosovës.

Ata mund të vendosin nëse duan Forcë të Armatosur, është zgjedhja juaja. Por çfarë NATO kërkon është që ky proces të ndjek shtegun kushtetues. Pse?

Sepse ne mendojmë se i tërë procesi duhet të ndiqet dhe të dakordohet nga të gjitha kombësitë, nga të gjithë qytetarët e Kosovës dhe kjo është arsyeja pse duhet të shkohet nëpërmjet kushtetues sepse do të jetë një vendim. Vendim i qartë që e tërë Kosova, të gjithë qytetarët e Kosovës do të dakordohen për këtë proces.

Procesi është shumë i rëndësishëm dhe kjo është diçka që do të ndryshojë edhe marrëdhëniet tuaja me organizatat ndërkombëtare. Kur të adaptohet ky proces NATO do ta rishikojë qëndrimin dhe prezencën në Kosovë, dhe kjo bëhet nga shtetet që i përkasin NATO-s që përfaqësohen në Këshillin e Atlantikut Verior dhe ata do të vendosin se si do të jetë angazhimi dhe qëndrimi i tyre në Kosovë.

Në fillim të intervistës ju pyeta për paqen se në cilin nivel është dhe ju thatë se është në nivelin e gjelbër. Ndërsa para pak ditësh kur u bë ndërrimi i komandës në KFOR-in italian ju deklaruat se ushtarët po shërbejnë në një zonë të rrezikshme. Tash, Kosova është në rrezik apo është në paqe?

Ne nuk jemi në luftë, jemi në paqe. Ne mund të supozojmë se situata në Kosovë mund të ketë përqindje të paqartësisë por Kosova nuk është fare vend në rrezik, e as i rrezikshëm.

KFOR-i deklaron se nuk merret me çështje politike, nuk jeni të përfshirë në çështje fetare apo jeni të përfshirë?

Ne bashkëpunojmë më te gjithë, me politiken, me fenë, por nuk marrim pjesë në aktivitete politike dhe aktivitete fetare.

 

Me që është kështu pse takoheni vetëm me krerët e kishës ortodokse, pse nuk takoheni me klerikët katolik dhe klerikët mysliman?

Nuk është e vërtet.

 

Cila është e vërteta?

E vërteta është se ne punojmë me të gjitha fetë kryesore. Madje mund tju them që ne takohemi shumë shpesh edhe më shpesh se sa që ua merr mendja juve. Edhe natyrisht që ne skemi nevoje tju tregojmë gjithçka që bëjmë.

 

Për atë po pyesim, ne duhet të pyesim. Ajo çka shohim është se ju takoheni më shumë me kishën ortodokse serbe, gjithashtu para pak ditësh ishte në vizitë ministrja italiane e mbrojtjes, por ne si media se pamë që shkoi në vizitë tek klerikët katolik apo musliman?

Arsyeja ishte ndryshe. E dini që Manastiri i Deçanit është nën përgjegjësinë e KFOR-it dhe në veçanti është në sektorin italian, dhe ky është një shembull për t’i pa vendet të cilat ruhen dhe mbrohen nga KFOR-i. Kjo vizitë ishte e rastësishme që ministrja e Mbrojtjes ishte aty apo të tjerët të cilet e vizitojnë atë vend. Është më shumë për çështjet operacionale se sa për arsye të tjera. Të kthehemi te klerikët fetar, unë personalisht kam takime të rregullta me ta.

 

Pse pra nuk i publikoni edhe takimet me klerikët tjerë?

Kjo është diçka që i referohemi situatës, kryesisht 3 deri në 6 takime në ditë i kam me politikan, ministra, oficer dhe klerik fetar sepse kjo është pjesë e punës sime, e bëjë rregullisht dhe nuk është sekrete. Por s’është e thënë të publikohet secili takim. Por ju sigurojë se ne takohemi të gjithë së bashku në vendin e njëjtë, dhe në të vërtet në këtë vend ekziston vullneti i madh për bashkëpunim dhe ne vetëm po e lehtësojmë këtë.

A ndodhë që misionet të improvizohen varësisht se prej cilit shtet udhëhiqet KFOR-i dhe kështu ndikohen marrëdhëniet e atij shteti më Kosovën?

KFOR-in, e përbëjnë 28 shtete dhe ne prezantohemi si KFOR si NATO pavarësisht kush është shteti udhëheqës apo shtetet të cilat janë pjesë e misionit. Kemi aq shumë vende dhe aq shumë religjione dhe aq shumë dallime në mesin tonë. Dhe kjo është diçka që duhet të merret si shembull sepse ne jetojmë të gjithë së bashku dhe po i ekzekutojmë detyrat tona pa asnjë problem edhe pse jemi ndryshe, shumë ndryshe.

 

Po e përsërisni ndryshe d.m.th varësisht nga është kryesuesi ashtu edhe mund të merren vendimet apo të krijohen marrëdhëniet me Kosovën?

Jo, jo fare. Jemi NATO. Ne po i ekzekutojmë detyrat tona në bazë të mandatit tonë. Dallimet dhe këto ndryshime janë përparësi dhe ne mund të mbështetemi të ndryshimet tona, në forcën tonë në aspektin që të marrim më shumë pikëpamje të ndryshme në lidhje se si të qasemi në zgjidhje të problemit dhe nevojave të popullatës nga perspektiva të ndryshme dhe kjo është përparësi e jona.

 

Edhe para jush ka qenë komandant italian?

Ishin pesë. Arsyeja pse komandanti është nga një shtet apo një tjetër varet nga kontributi i atij shteti që ofron trupat. Kontributi i misionit të komandës i shkon shtetit që kontribuon, sa më shumë që kontribuon ai shtet në operacione të themi ata e marrin pozitën më të mirë, dhe kjo është arseyja pse Italia po e udhëheq misionin.

 

Pra, sa më shumë kontribuon ushtria italiane në KFOR, Italia renditet më mirë?

Kjo vetëm demonstron përkushtimin e atij shteti për Kosovën nëpërmjet KFOR-it dhe gjithashtu është vullneti që e shpreh shteti në pajtim me kapacitetin që e ka për të qenë pjesë e këtij misioni në ndihmën e zgjidhjes së problemeve që i ka rajoni.

 

A po pajtoheni me deklaratën e kancelarës Angela Merkel që Ballkani perëndimor e ka një paqe të brishtë?

Ballkani nuk është diçka që është zbuluar tani, Ballkani është vendi ku ka filluar lufta e parë dhe lufta e dytë botërore…

 

Mund të fillojë një luftë tjetër?

Jo, jo fare kjo është arsyeja pse jemi këtu.

Ju thatë se Ballkani është problematik, por a nuk jeni ju 28 shtete të NATO-s që e mbani paqen këtu?

Shtetet të cilat kontribuojnë në mision janë 18 nga 28 dhe 8 nuk janë shtete anëtare të NATO-s.

 

Në fund të intervistës edhe një herë po ua bëjë pyetjen e fillimit edhe pse mund të duket pak dyshuese. A është paqja në të gjelbër apo në të portokalltë?

Përfundimisht e gjelbër. Po ju sugjeroj të shikoni në faqen e KFOR-it në facebook ku është postuar një nga videot në lidhje me ditën e paqes, dhe ne si KFOR konsiderojmë se Kosova është shumë e rëndësishme për Europën. Ne e mbështesim rrugën tuaj drejt Evropës dhe ne jemi të vullnetit që t’ju urojmë mirëseardhje në Evropë dhe në NATO. Është sfidë për ju, ka shumë gjëra të cilat duhet të mbarohen, shumë sfida të cilat duhet t’i kaloni, por kjo është rruga juaj dhe ne ju mbështesim në këtë rrugëtim.

Autor: Behare Bajraktari , Radio Kosova