Tiranë, identifikohen hajnat e kasafortave, arrestohet njëri

Tiranë, identifikohen hajnat e kasafortave, arrestohet njëri

Policia e Tiranës ka finalizuar operacionin “Precious”, në kuadër të të cilit janë identifikuar dy autorë vjedhjesh të kasafortave dhe sendeve të çmuara.

Njëri prej autorëve është kapur në flagrancë duke kryer një vjedhje në Durrës, ndërsa autori tjetër shpallet në kërkim nga Policia. I Arrestuari është 42-vjeçari Kastriot Xhixha, banues në Fushë-Krujë. Ndërkohë, është shpallur në kërkim 33-vjeçari me iniciale G. A., edhe ky banues në Fushë-Krujë, transmeton tch.

Këta shtetas, në bashkëpunim me njëri-tjetrin, kryenin vjedhje kasafortash e sendesh me vlerë në banesa duke hapur derën kryesore me një mekanizëm të përshtatur për hapjen e çdo lloj dere, pa shkaktuar dëmtim të bravës.