“Fortnite & Super Gjyshja” hap perdet e Teatrit Magjik

“Fortnite & Super Gjyshja” hap perdet e Teatrit Magjik

Teatri i Qytetit të Gjilanit hap perdet e Teatrit Magjik të Fëmijëve, si skenë dhe teatër i krijuar ekskluzivisht për më të vegjëlit, me premierën e shfaqjes “Fortnite & Super Gjyshja”.

“Fortnite & Super Gjyshja” është inspiruar nga tregimet fantastike të fëmijëve dhe kjo shfaqje do ta rezervojë çdo të shtunë, orën 12:00, këtë termin në të cilin Teatri Magjik i Fëmijëve, do të sjellë shfaqjet vetëm për fëmijë në Gjilan. “Ju mirëpresim juve prindër dhe juve fëmijë të dashur, këtë të shtunë dhe pastaj çdo të shtunë, në ora 12:00 për të parë shfaqjen “Fortnite & Super Gjyshja”. 2 fëmijë, një lojë shumë aktuale bashkë me pasojat e saj dhe një Super Gjyshe”, thuhet në njoftimin e Teatrit të Qytetit të Gjilanit.

Shfaqja vjen me ide dhe koncept nga Bekim Korça ndërsa luajnë aktorët: Mejreme Berisha Avni Shkodra dhe Njomëza Kalaveshi. E shtunë (10 nëntor ) në ora 12:00./ KultPlus.com/