Thaçi: KEK-u është pasuria më e madhe e Kosovës

Thaçi: KEK-u është pasuria më e madhe e Kosovës

Deputetë të Kuvendit të Kosovës sot vizituan Termocentralet e KEK-ut.

Kryetari i Komisionit për Bujqësi, Pylltari, Zhvillim Rural, Mjedis e Planifikim Hapësinor, Muharrem Nitaj, zëvendëskryetarja, znj. Besa Gaxherri dhe anëtarët e komisionit, z. Salih Zyba, z. Salih Salihu dhe z. Andin Hoti u interesuan për gjendjen aktuale të termocentraleve, dhe me theks të veçantë u interesuan për temën qe tani është aktuale dhe shqetësimi me i madh i qytetarëve, ndotja e ambientit. Bashkërisht në këtë vizitë ishte edhe kryetari i Komunës së Obiliqit, z. Xhafer Gashi.

Drejtori i KEK-utm Njazi Thaçi së bashku edhe me drejtorët e tjerë, i prezantuan gjendjen reale se sa ndikojnë Termocentralet e KEK-ut në ndotjen e ambientit, çfarë investime janë bërë deri me tani për të përmirësuar gjendjen alarmante që është trashëguar dhe çka parashihet të investohet deri në vitin 2021 për të qenë TC në harmoni të plotë me parametrat e lejuar të Bashkimit Evropian.

"Deputetët, vizituan edhe objektet e Termocentralit “Kosova B” dhe u njoftuan nga afër me funksionimin e tij. Po ashtu, me kërkesën e tyre shikuan nga afër edhe funksionimin e Elektro Filtrave për të cilët spekulohet në opinion qe çaktivizohen në raste të caktuara dhe si pasoj e kësaj shkaktohen ndotje të mëdha në ambient. Një gjë e tillë, siç i’u dëshmuam edhe deputetëve është e pamundur dhe nuk është në interesin e askujt e aq ma pak të punëtorëve të KEK-ut. Biseduam për shumë çështje dhe i ofruam informacione për çdo pyetje të deputetëve dhe me theks të veçantë i sqaruam se KEK-u si gjigandi me i madh energjetik në rajon dhe vlera me e rëndësishme e shtetit nuk mund ta mohojmë se shkakton ndotje, por është spekulim i madh kur thuhet se është shkaktari kryesor i ndotjes", tha Thaçi.

Sipas tij KEK-u nuk hyn në mesin e ndotësve me të mëdhenjtë dhe nuk duhet të paragjykohet si i tillë, por duhet të identifikohen shkaktarët e tjerë qe në sezonin e dimrit aktivizojnë ngrohjen me thëngjill dhe lëndë të tjera të djegës në mënyrë të pakontrolluar.

'KEK-u në dhjetëvjeçarin e fundit ka mbyllur ciklin e investimeve të mëdha në përmasimin e ambientit duke investuar 57 milion Euro. Kemi larguar tonelata mbetje të hirit dhe materie të tjera të rrezikshme të grumbulluara shekuj me radhë. Kemi mbuluar dhe kthyer në gjelbërim qindra hektar tokë të degraduar. E kemi eliminuar njërin nga ndotësit permanent qe ka qenë bartja në sheriat të hapur të hirit duke e kthyer në transportues të mbyllur dhe qe shkaktojnë zero ndotje në hapësirë. Kemi investuar në Elektro Filtrat e “Kosovës A” dhe e kemi sjellë në parametrat e lejuar të Bashkimit Evropian", tha ai.

Thaçi bëri më dije se në 3 vitet e ardhshme me donacion të BE-së do të investojnë edhe 79 milionë euro të tjera në komponenten ambientale në Termocentralet e “Kosovës B” ku parashihen ndërrimi i elektro filtrave sipas standardeve europiane dhe NOx. "Pra, KEK-u nuk është ai që flitet as kur paragjykohet, por është pasuria më e madhe e Kosovës dhe shtylla kryesore ekonomike për të cilën është punuar shumë dhe po vazhdojmë të punojmë për t’i sjellë energji elektrike këtij vendi me koston më të lirë të mundshme", tha ai.