Fshehin kokainën në fruta, arrestohen disa persona

Fshehin kokainën në fruta, arrestohen disa persona

Një ngarkesë prej afro 36 kg kokainë është sekuestruar gjatë pasdites të së mërkurës prej autoriteteve greke në Athinë, gjatë një operacioni ndërkombëtar droge.

Sipas policisë helene, në pranga ranë 6 shtetas grekë dhe në kërkim u shpall edhe një tjetër person, edhe ai shtetas grek.

Burime policore i thanë Top Channel se financuesi i drogës është një shtetas shqiptar, i cili ndodhet i arrestuar në Gjermani nën akuzën e trafikut të kokainës nga Amerika Latine në Shqipëri, të fshehur në ngarkesa frutash.

Ende nuk bëhet e ditur nëse financuesi i këtij trafiku është kthyer në bashkëpunëtor të drejtësisë gjermane apo e ka kryer porosinë e lëndës narkotike përpara se të arrestohej në Gjermani.

Lënda narkotike u sekuestrua, ndërsa 6 shetasit e arrestuar do të dërgohen në gjykatë për masë sigurie gjatë paradites të së enjtes.