Si ndikon rrahja e fëmijës në personalitet

Si ndikon rrahja e fëmijës në personalitet

Se a duhet rrahur apo jo fëmija është ende një debat i nxehtë në botën Perëndimore.

Shumica e njerëzve mbi moshën 30-vjeçare janë rritur duke ‘shijuar’ pak dhunë nga prindërit, por, si prindër, tani me siguri se brengoseni se a duhet ta praktikoni këtë metodë për ta disiplinuar fëmijën apo jo.

Siç duket, rrahja e fëmijës mund ta lëndojë atë në shumë mënyra përveç se në aspektin fizik.

Në shumicën e rasteve, rrahja i bën fëmijët më rebelë, në vend se t’i inkurajojë të bëhen më të disiplinuar.

Ekspertët e universitetit Texas dhe Michigan, pas një hulumtimi të publikuar në revistën ‘Journal of Family Psychology’, ka konstatuar se fëmijët që rrihen janë më të prirë të mos u binden prindërve, si dhe të kenë probleme me sjelljen anti-sociale, agresivitet, probleme të shëndetit mendor, si dhe vështirësi kognitive.

Ata kanë shtuar se rrahja e fëmijëve ua rritë atyre rrezikun të zhvillojnë probleme të shëndetit mendor edhe në vitet e mëvonshme në jetë.