Libri për gruan shqiptare

Libri për gruan shqiptare

Ka dal nga shtypi libri më i ri ‘Falë i qofshim Kosovës’, i politologes dhe veprimtares Elife Luzha.

Libri ‘Falë i qofshim Kosovës’ i zonjës Luzha, është botuar nga shtëpia botuese ``Faik Konica`` në Prishtinë. Libri përmban shkrime publicistike të ndara në dy pjesë.

Sipas autores, pjesa e parë titullohet ``Kalvar Vuajtjesh``, e cila në përgjithësi temë bosht ka gruan shqiptare dhe problemet me të cilat ballafaqohet gruaja shqiptare.

Pjesa e dytë titullohet ``Nëpër Erërat e Kohërave``, në të cilën trajtohen tema të ndryshme politike e historike.

Redaktore e librit është Sevi Agolli, ndërsa recensentë të librit janë Sabile Kecmezi Basha dhe Sherif Luzha.

Autorja Elife Luzha është autore e tri përmbledhjeve me poezi dhe e shumë artikujve tematikë botuar në revista të ndryshme.