“PEN Amerika 2019”, Luljeta Lleshanaku mes pesë finalistëve

“PEN Amerika 2019”, Luljeta Lleshanaku mes pesë finalistëve

“Negative space” (Hapësira negative) i Luljeta Lleshanakut i përkthyer nga Ani Gjika dhe i botuar nga Shtëpia botuese New Directions në Shtetet e Bashkuara të Amerikës në vitin 2018, tashmë është zgjedhur në pesë librat finalistë për Çmimin ‘PEN Amerika 2019’. Ky është libri i pestë i autores në gjuhën angleze.

Ky është konkurrimi i dytë, pasi për botimin në Angli të “Negative space” nga shtëpi botuese ‘Bloodaxe’, Ani Gjika është vlerësuar më parë me çmimin ‘English PEN’ dhe me grant nga National Endowment for Arts në SHBA. “Negative space” tashmë është një nga librat e rekomanduar nga Poetry Society në Angli, Poetry Society në Amerikë, revista World Literature Today etj.

“Lleshanaku ka një talent trullosës në kapjen e shenjave të rrënimit tonë”, ka shkruar Nick Ripatrazone për “The Millions”.