Spahiu: Tirana të merret me vetveten, më herët e ka dëmtuar Kosovën

Spahiu: Tirana të merret me vetveten, më herët e ka dëmtuar Kosovën

Analisti politik Nexhmedin Spahiu ka thënë se Tirana aktualisht duhet të merret me problemet e veta dhe se historikisht sa herë që është përzier në punët e Kosovës e ka dëmtuar atë.  

Ai të martën në RTK 3 ka komentuar djegien e mandateve nga Partia Demokratike.

“Kur vjen puna te Kosova në Shqipëri gjithmonë ndodhë diçka. Koincidon ashtu sepse ndërlidhen gjërat në rajon. Ndoshta për Kosovën është më mirë ashtu, që Tirana të merret me problemet e veta. Kurdo që Tirana është përzier në problemet e Kosovës e ka dëmtuar Kosovën. Të paktën kështu ka ndodhur gjatë historisë”, ka thënë ai.

Spahiu ka thënë se kundërshtarët e Ramës kanë vërejtur se për momentin ka një dobësim të PS-së dhe Ramës.