Tel Avivi instalon “semaforët zombie” për këmbësorët e pakujdesshëm

Tel Avivi instalon “semaforët zombie” për këmbësorët e pakujdesshëm

Tel Avivi ka ndërmarrë hapat e parë që të ndihmojë këmbësorët të cilëve ua tërheq shumë vëmendjen telefoni mobil – duke prodhuar kështu drita sinjalizuese LED të vendosura në vija të bardha.

Komuna e Tel Avivit ka instaluar “semaforët zombie” gjatë kësaj jave, që do të ulin rrezikun nga veturat që vërsulen në drejtim të këmbësorëve të pakujdesshëm kur kalojnë nëpër vija të bardha

Tomer Dror nga komuna Tel -Aviv-Jafa i ngarkuar për kontrollimin e trafikut, ka deklaruar se kanë për qëllim të ulin numrin e aksidenteve që i shkaktojnë “këmbësorët e dhënë shumë pas telefonave, e që i kushtojnë shumë pak vëmendje trafikut”.

Sisteme të ngjashme tashmë përdoren në Australi, Singapor e Holandë, kurse dritat sinjalizuese deri më tani janë montuar vetëm në një udhëkryq në pjesën qendrore të Tel Avivit, por komuna synon që t’i vendosë edhe në pjesë tjera nëse tregojnë efekte pozitive.