Rritet në 100 numri i të vdekurve nga fundosja e tragetit në Irak

Rritet në 100 numri i të vdekurve nga fundosja e tragetit në Irak

Kryeministri Adil Abdulmehdi mbërriti në Mosul, ndërkohë që autoritetet e vendit kanë shpallur ditë zie treditore.

Është rritur në 100 numri i të vdekurve nga fundosja e tragetit në lumin Tigër pranë qytetit Mosul të Irakut.

Ministria e Brendshme e Irakut konfirmoi se numri i të vdekurve është rritur në 100.

Në një video të postuar në rrjetet sociale, mund të shihet se trageti nuk ka qenë i pajisur me jelekë shpëtimi.

Kryeministri Adil Abdulmehdi mbërriti në Mosul, ndërkohë që autoritetet e vendit kanë shpallur ditë zie treditore.

Trageti i fundosur ka qenë i stërmbushur me njerëz të cilët kremtonin Nevruzin, festën e ardhjes së pranverës.

Në traget ndodheshin 170 persona, ndonëse bëhet fjalë për një mjet lundrimi me kapacitet deri në 50 persona.