​Gjendet një mjet i pashpërthyer në Gjakovë

​Gjendet një mjet i pashpërthyer në Gjakovë

Njësiti për deminim i Forcës së Sigurisë së Kosovës ka bërë shpërthimin e sigurt të një mjeti që ishte gjetur i pashpërthyer në fshatin Jabllanicë të Gjakovës.

Rasti ka ndodhur pasditen e djeshme rreth orës 17:05 minuta.

Fillimisht, policia kishte marrë informatën nga një qytetar se derisa ishte duke pastruar një deponi të mbeturinave ka hasur në një mjet të dyshimtë të pashpërthyer.

Rastit iu janë përgjigjur menjëherë njësitet relevante gjë që solli edhe shpërthimin e mjetit në mënyrë të sigurt.