Shënohet 20-vjetori i masakrës së Dubravës​

Shënohet 20-vjetori i masakrës së Dubravës​

Në shenjë nderimi dhe respekti për të rënët dhe të gjithë ata që përjetuan masakrën në burgun e Dubravës më 1999, sot nga ora 12:00, në hapësirën e burgut të Dubravës mbahet tubim përkujtimor për shënimin e 20 vjetorit të kësaj masakre.

Tubimi mbahet nën patronatin e kryetarit të Kuvendit, Kadri Veseli, në bashkërendim me Këshillin Organizativ të formuar nga ana e Komisionit Parlamentar për të Drejtat e Njeriut, Barazi Gjinore, për Persona të Pagjetur dhe Peticione: Mexhide Mjaku-Topalli, kryesuese, Nait Hasani, Rasim Selmanaj, Duda Balje, Ukë Thaqi, Bislim Zogaj, Nijazi Kryeziu dhe Jahja Lluka, anëtarë.