Origjina misterioze e simbolit të dollarit

Origjina misterioze e simbolit të dollarit

Shenja e dollarit është ndër simbolet më të fuqishme në botë dhe lidhur me këtë ekzistojnë debate të shumta në botë përsa i përket origjinës së simbolit.

Deri më tani kanë dalë shumë hipoteza përsa i përket simbolit të dollarit, kjo për arsye edhe politike. Një prej tyre është që ky simbol rrjedh nga numri 8. Megjithatë, ajo në të vërtetë vjen nga një P.S (post scriptum) i gjendur në librat e vjetër amerikano-spanjollë. Simboli “$” shfaqet fillimisht në vitet 1770, në dokumentet e dorëshkrimeve të amerikanëve që kishin marrëdhënie biznesi me amerikano-spanjollët dhe filloi të shfaqet masivisht pas vitit 1800, transmeton TCH.

Fjala dollar rrjedh nga fjala flamane ose gjermane, “daler” duke iu referuar një monedhe nga minierat e argjendit të Joachimstal, në Bohemi. Termi u përdor më vonë, në një monedhë të përdorur në kolonitë spanjolle-amerikane dhe gjithashtu në kolonitë britanike të Amerikës së Veriut në kohën e Luftës së Pavarësisë Amerikane. Ai u miratua si simbol dhe emër i njësisë së monedhës amerikane, në fund të shekullit të 18-të.

Dollari amerikan është valuta më e përdorur në transaksionet botërore dhe një ndër valutat dominuese botërore të rezervave valutore. Shumë vende e përdorin si valutën e tyre zyrtare dhe në shumë shtete të tjera përdoret gjerësisht në mënyrë jozyrtare.


MË SHUME NGA Kuriozitete