Fillon dezinsektimi hapësinor në kryeqytet

Fillon dezinsektimi hapësinor në kryeqytet

Komuna e Prishtinës ka njoftuar se sot kanë filluar me aksionin e dezinfektimit hapësinor, duke bërë më dije se pritet që sivjet të dezinsektohet një sipërfaqe prej 6000 hektarësh, duke përfshirë edhe zonat rurale.

Dezinsektimi do të bëhet çdo ditë duke filluar nga ora 19:30 deri në orën 23:30.

Gjatë kësaj kohe, qytetarët duhet t’i mbajnë dritaret e mbyllura, që mos të futen insektet brenda dhe të kufizojnë daljet nëpër hapësirat ku është duke u kryer dezinsektimi së paku për një orë.

Gjithashtu apelohet te shoqatat e bletarëve për kujdes të shtuar gjatë kësaj periudhe.