Jennifer Lopez nis turneun, ngjitet në skenë me vajzën

Jennifer Lopez nis turneun, ngjitet në skenë me vajzën

Jennifer Lopez nisi turneu It`s My Party: The Live Celebration në nder të ditëlindjes së saj të 50-të në The Forum në Los Angeles mbrëmjen e së premtes.

Dhe një e ftuar shumë e veçantë iu bashkua divës së muzikës në skenë, vajza e saj 11-vjeçare Emme.

Nënë e bijë kënduan një duet në skenë dhe fansat mbetën me gojë hapur.

Lopez dhe Emme performuan këngën "Limitless" nga filmi i saj "Second Act" ndërsa ishin veshur të dyja me fustan të kuq.

Këngëtarja nuk mund të përmbante krenarinë e saj dhe publikoi një pjesë të videos duke kënduar në mediat sociale.

Megjithatë aftësitë vokale të Emme nuk ishin surprizë. Muajin e kaluar, Lopez publikoi një video të vajzës duke kënduar "If I Ain't Got You" të Alicia Keys.