Merkel: Gjermania merr seriozisht informacionin e SHBA-së për Iranin

Merkel: Gjermania merr seriozisht informacionin e SHBA-së për Iranin

Kancelarja e Gjermanisë, Angela Merkel, deklaroi sot se vendi i saj shumë seriozisht merr informacionet e reja të Shteteve të Bashkuara të Amerikës mbi përgjegjësinë e pretenduar të Iranit për sulme ndaj dy tankeve të naftës pranë Gjirit Persik.

Ajo tha se "ka një nivel të lartë të provave" mbi përgjegjësinë e Iranit.

"Kjo nuk do të më ndalojë të them se duhet të bëjmë gjithçka për të zgjidhur situatën e konfliktit me Iranin në mënyrë paqësore", shtoi Merkel.

Irani mohon akuzat amerikane se është përgjegjës për sulmin ndaj tankerëve.

Merkel tha se Gjermania është në kontakt të ngushtë me Shtetet e Bashkuara të Amerikës dhe do të bëjë gjithçka për t’ia bërë të qartë Iranit që kjo situatë serioze nuk duhet të intensifikohet më tej.

Ajo tha gjithashtu se Gjermania dëshiron që Irani të mbajë një marrëveshje bërthamore në 2015, duke shtuar se "kjo do të jetë një pasojë" nëse Irani nuk e bën këtë.