Serbia e anuloi Samitin e Parisit, nuk dëshiron marrëveshje me Kosovën

Serbia e anuloi Samitin e Parisit, nuk dëshiron marrëveshje me Kosovën

Njohësi i proceseve politike, profesor Milazim Krasniqi, ka vlerësuar se Serbia është fajtore për anulimin e Samitit të Parisit.

Ai ka thënë se ky samit nuk u mbajt pasi Serbia nuk dëshiron marrëveshje për njohjen e Kosovës.

Në këtë intervistë dhënë për gazetën “Epoka e re”, Krasniqi ka deklaruar se Kosova duhet të heqë dorë nga iluzioni për arritjen e marrëveshjes me Serbinë.

Ai ka thënë se është e pamundur kjo marrëveshje pa ndryshuar qasja e Bashkimit Evropian ndaj Serbisë.

Krasniqi ka theksuar se derisa të hapet rruga e anëtarësimit paralel e Serbisë dhe Kosovës në BE nuk do të ketë dialog për marrëveshje finale.

Sipas tij, BE-ja nuk ka fuqi imponuese mbi politikën e Vuçiqit dhe të Beogradit. Krasniqi ka thënë se Kosova duhet të fokusohet në forcimin e institucioneve, në forcimin e identitetit shtetëror, si dhe në forcimin e aleancave me miqtë strategjikë.