Orari 10-orësh i punës e rritë rrezikun e sulmit në tru për 30 për qind

Orari 10-orësh i punës e rritë rrezikun e sulmit në tru për 30 për qind

Njerëzit që punojnë 10 orë në ditë mesatarisht një herë në javë kanë një rritje të rrezikut të sulmit në tru për 30 për qind, krahasuar me dikë që nuk punon rregullisht me orar të gjatë.

Hulumtuesit kanë analizuar ndikimin e kulturave të punës në shëndetin kardiovaskular dhe kanë thënë se ata që punojnë 10 orë ose më shumë për të paktën 50 ditë në vit janë 29% më të prirë të pësojnë sulm në tru.

Ata që punojnë me orar të gjatë vazhdimisht, përgjatë një periudhe prej 10 viteve apo më shumë, janë edhe më të rrezikuar, ku kanë 45% shanse më shumë të pësojnë sulm në tru.

Ky zbulim është paksa shqetësues duke marrë parasysh se në shumë vende të botës njerëzit shpeshherë punojnë me orar të gjatë.

P.sh. në Mbretërinë e Bashkuar njerëzit mesatarisht punojnë 42 orë në javë, krahasuar me Francë, Itali dhe Belgjikë ku punojnë 39 orë në javë, ndërkaq në Danimarkë vetëm 37 orë në javë.

Madje, punëtorët francezë kanë edhe mbrojtje të veçanta ligjore ku e kanë të drejtën të mos u përgjigjen e-maileve apo obligimeve tjera jashtë orarit të punës.


MË SHUME NGA Shëndetësi