Plagoset një person me thikë në plazhin e Sarandës

Plagoset një person me thikë në plazhin e Sarandës

  Një konflikt verbal mes disa personave ka degraduar në përdorimin e thikës dhe si pasojë ka mbetur i plagosur një 40-vjeçar. Ngjarja ka ndodhur në plazhin “Mango” në Sarandë.

I plagosuri i identifikuar si Berti Tahiraj gjatë transportimit me makinë private drejt spitalit të Sarandës është përfshirë në aksident rrugor.

Aktualisht ai ndodhet në spital nën kujdesin e bluzave të bardha jashtë rrezikut për jetën.

Familjarët ndërkohë kanë tentuar të dhunojnë gazetarët që ndodhen në spital, duke kërkuar të mos filmojnë. Edhe policia u ka kërkuar të largohen.

Policia mësohet se ka shoqëruar disa persona për ngjarjen.