Romë, emigrantët refuzojnë të braktisin shkollën e zënë

Romë, emigrantët refuzojnë të braktisin shkollën e zënë

Qindra emigrantë, kryesisht të ardhur gjatë viteve nga Maroku, janë evakuuar nga forcat e rendit italiane pasi me vite kishin zënë ambientet e një shkolle.

Autoritetet italiane kishin toleruar me vite shndërrimin  e objektit shkollor në një kompleks banimi, por me sa duket politika e re e ministrit të Brendshëm Matteo Salvini ka bërë që të kthehet shikimi edhe nga ky cep i periferisë romane.

Banorët u rebeluan vendimit, duke krijuar barrikada dhe djegur kopertonat e makinave. Por gjithçka ishte e kotë. Pjesa më e madhe e tyre, ku radhiten edhe dhjetëra fëmijë, do të strehohen në struktura të përkohshme./a2/