Gastronomia, faktor i rëndësishëm në promovimin e kuzhinës shqiptare

Gastronomia, faktor i rëndësishëm në promovimin e kuzhinës shqiptare

Zhvillimi dhe promovimi i gastronomisë po shihet si një faktor i rëndësishëm i promovimit të kuzhinës dhe traditave tona shqiptare, si dhe zhvillimin e turizmit në vendin tonë.

Kështu u tha gjatë një paneli diskutues që Prishtina Gastronomy Festival organizoi sot në ditën përmbyllëse të saj. 

Kryetari i Odës Ekonomike të Kosovës, Berat Rukiqi, tha se sipas raportit të Bankës Botërore, turizmi është sektori që shënon rritjen më të shpejtë e që rrjedhimisht po rrit GDP-në e vendit. 

Ndërsa për Donika Gashi, fascilitatore e Turizmit në projektin për Promovimin e Punësimit në Sektorin Privat, turizmi është një sektor që kërkon durim, pasi nuk jep rezultate të menjëhershme. 

Virtyt Gacaferri, themelues i Balkan Natural Adventure, përmes një shembulli konkret tregoi sesi ky sektor mund të zhvillohet. 

Për kryetarin e Odës Ekonomike, Berat Rukiqi, edhe pse janë ndërtuar shumë restorante, shqetësim mbetet mungesa e produkteve tona autentike. 

Sipas Donika Gashit, Kosova ka shumë produkte me të cilat mund të promovohet, e ku njëri prej tyre është edhe djathi i Sharrit. 

Prishtina Gastronomy Festival zgjati nga data 20-21 korrik, gjatë të cilit ka pasur gatime tradicionale dhe pjata me koncepte të ndryshme të përgatitura të  gastronomisë shqiptare.

Festivali vjen si nevojë e promovimit të recetave dhe produkteve mbarëkombëtare shqiptare, si një nga elementet e ruajtjes së identitetit kombëtar.

Qëllimi i festivalit është të bëhet një takim vjetor për kuzhinierët, pronarët e restoranteve, bartenderët, historianët, antropologët, dhe të gjithë ata që janë të përfshirë në lëmin e gastronomisë.

Kjo ngjarje të jetë një pikënisje për bashkëpunimin dhe frymëzimin reciprok, ku do të eksplorohet e kaluara jonë.