VIDEO - Zeka: Takimi i Mustafës me Kurtin është mashtrimi i ditës

VIDEO - Zeka: Takimi i Mustafës me Kurtin është mashtrimi i ditës

Kryetari i Partisë Euroatlantike të Kosovës, njëherazi deputet në Kuvendin e Kosovës, Milaim Zeka, e ka quajtur mashtrim të ditës takimin mes liderit të LDK-së, Isa Mustafa, me kryetarin e lëvizjes Vetëvendosje, Albin Kurtin.

Ai ka folur të martën në “Imazh” te RTK.

“Albin Kurti në mënyrë absolute nuk guxon me marrë vendimin e heqjes së taksës, sepse vazhdimisht është thirrë për taksë. Kurse Isa Mustafa me sy mbyllë e heq taksën”, ka thënë ai.

“Isa Mustafa nuk e përfaqëson LDK-në. Afrimi i tij me Albin Kurtin është duke ia larguar në mënyrë marramendëse elektoratin e tij. Sa i përket Albin Kurtit, ai ka dalë prej autostrade, kur del prej autostrade rrokullisësh. Në PREK më së shumti na vijnë njerëz të zhgënjyer nga LDK dhe Vetëvendosje”.

Ai ka komentuar edhe kërkesën e shteve të Quint-it për heqjen e taksës. “Unë e kisha hequr taksën, dje, jo sot, lëre më nesër. Taksa është vu për kalkulime politike, por më vonë është shndërruar në biznes të njerëzve të fuqishëm të politikës së Kosovës. I vetmi person që e ka paguar shtrenjtë taksën në raport me Serbinë është qyteari i Kosovës, kurse imazhi i Kosovës është dëmtuar”, ka thënë Zeka. “

Çdo qëndrim të Uashingtonit dhe të Brukselit me symbyllur e zbatoj”.


MË SHUME NGA Aktuale