Gecaj për qeverinë e PAN-it: Qeveri e matrapazëve e e sekserëve

Gecaj për qeverinë e PAN-it: Qeveri e matrapazëve e e sekserëve

Bajram Gecaj nga Lidhja Demokratike e Kosovës, e ka quajtur qeverinë e udhëhequr nga Ramush Haradinaj qeveri të matrapazëve e të sekserëve.

Ai ka folur të mërkurën në “Imazh” te RTK.

“LDK-ja nuk përkrahë Qeveri të matrapazëve e të sekserëve. S’po dua të përmend emra, sepse opinion i di ata”, ka thënë ai.

Ai ka thënë se liberalizimin e vizave Kosovës ia humbi opozita e mëhershme e përbërë nga AAK, Vetëvendosje dhe Nisma Socialdemokrate.

“AAK, Vetëvendosje dhe Nisma e kallën Kosovën për demerkacionin e kur AAK-ja dhe Nisma hynë në Qeveri e miratuan vetë. Nuk na lanë ta votojmë demerkacionin, kurse ne e votuam demerkacionin. Janë plangprishës, ne jemi shtetformues. Ne nuk kemi liberalizim të vizave për shkak të opozitës së atëhershme”, ka thënë Gecaj.

Ai ka thënë se PAN ka raport të keq me ndërkombëtarët.

“Është e paprecendentë që QUINT-ti të ndërhyjë në këtë mënyrë në procez zgjdhor. Dalja e QUINT-it me një deklaratë të tillë tregon se këta kanë problem të madh. Kjo tregon që koaliconi kanë raporte të këqija me komunitetin ndërkombëtar”, ka thënë Gecaj.

Ai ka theksuar se QUINT po i thotë qeverisë në largim: mos e përdorni taksën për populizëm.