Nisin festimet me rastin e Ditës së Armatës

Nisin festimet me rastin e Ditës së Armatës

Me rastin e festimit të 18-gushtit, Ditës së Armatës sot në varrezat e qytetit në Butel në Shkup, është paraparë ceremoni për vendosjen e kurorave me nderime shtetërore, te varrezat e partizanëve, në varrin e ish-presidentëve të ndjerë Boris Trajkovski, dhe Kiro Gligorov, si dhe në varrin e gjeneral Mihailo Apostolski.

Kurora me lule do të vendosin delegacionet e Armatës, Ministrisë së Mbrojtjes, kabinetit të presidentit të Republikës së Maqedonisë së Veriut, të Kuvendit të Republikës së Maqedonisë së Veriut, të Qeverisë së Republikës së Maqedonisë së Veriut, të Lidhjes së luftëtarëve nga LNÇ-ja, familjet e ish-presidentëve të Republikës së Maqedonisë, Lidhjes së eprorëve rezervë ushtarakë.