Në internet më së shumti shikohen videoklipe muzikore

Në internet më së shumti shikohen videoklipe muzikore

Sipas të dhënave të portalit online statistikor Statista, brenda 10 videove më të shikuara në YouTube janë videoklipet muzikore.

Në uebfaqen më të famshme botërore për shpërndarjen e videove, YouTube, videot që shikohen më së shumti janë videoklipet muzikore.

Sipas informacionit të përpiluar nga Anadolu Agency nga të dhënat e portalit online statistikor Statista, brenda 10 videove më të shikuara në YouTube janë videoklipet muzikore.

Sipas kësaj në rendin e parë është kënga "Despacito" e këngëtarit puertorikan Luis Fonsi me 6,39 miliardë shikime, pas së cilës vjen kënga "Shape of You" e këngëtarit anglez Ed Sheeran me 4,35 miliardë shikime dhe në vend të tretë gjendet "See You Again" e Wiz Khalifa me 4,21 miliardë shikime.

Kështu që shikimet totale të 10 videove më të shikuara në YouTube kanë arritur në 38,4 miliardë shikime duke e tejkaluar popullsinë e botës me pesëfish më shumë.

Përveç platformave të videos, edhe interesimi ndaj platformave dixhitale muzikore si Spotify, Apple Music është duke u rritur. Sipas të dhënave të Spotify, në tremujorin e dytë të vitit të kaluar platforma ka pasur 180 milionë përdorues aktiv, ndërsa këtë vit në të njëjtën periudhë ka shënuar rritje prej 28,8 për qind duke arritur në 232 milionë.

Në këtë drejtim, duke e marrë parasysh këtë trend të rritjes, YouTube muajin e kaluar e vendosi në përdorim servisin YouTube Music.