Nisma mban takim mobilizues në Rekë të Keqe

Nisma mban takim mobilizues në Rekë të Keqe

Kryetari i degës së Nismës Socialdemokrate në Gjakovë, Fazli Hoxha, së bashku me ish-deputetin dhe anëtarin e kryesisë Haxhi Shala dhe këshilltari i Fatmir Limajt, Ragip Shala, kanë takuar kryetarët e nëndegëve të Nismës në Rekë të Keqe.

Hoxha përmes një postimi në llogarinë e vet në “Facebook”, ka shkruar se u konfirmua se Nisma në Rekë të Keqe është gatshme për fitoret e radhës.

“Nisma Socialdemokrate kësaj here ka arsye të mobilizohet edhe më shumë pasi ka kandidatin e saj për kryeministër, liderin Fatmir Limaj”, ka shkruar Hoxha.

Postimi plotë i Hoxhës:

Takim me kryetarët e nëndegëve të Rekës së Keqe, Nisma drejt fitoreve të reja

Bashkë me anëtarin e kryesisë qendrore Haxhi Shala, këshilltarin politik të zëvendëskryeministrit Fatimir Limaj, Ragip Shala, diskutuam për përgatitjen që po bëjnë strukturat e Nismës për zgjedhjet parlamentare në këtë rrethinë.

U konfirmua se Nisma në Rekë të Keqe është gatshme për fitoret e radhës.

Nisma Socialdemokrate kësaj here ka arsye të mobilizohet edhe më shumë pasi ka kandidatin e saj për kryeministër, liderin Fatmir Limaj.

Jemi gati me Limajn kryeministër.