Essien nënshkruan për Skënderbeun

Essien nënshkruan për Skënderbeun

I nisi përgatitjet me vonesë, por skuadra e Skënderbeut po ia del të formojë një grup mjaft të mirë në dispozicion të trajnerit Daja, teksa pasditen e sotme është afruar një tjetër futbollist.

Bëhet fjalë për mesfushorin 18-vjeçar ganez Kofi Essien, i cili ka nënshkruar për 3 sezone me skuadrën korçare, pasi cilësohet si një futbollist i talentuar dhe me perspektivë për të ardhmen.

Essien iu bashkua sot skuadrës korçare dhe u vu në dispozicion të trajnerit Ilir Daja, në kompleksin “Tropikal”, ku Skënderbeu po përgatitet në prag të ndeshjes së javës së katërt me Tiranën, të shtunën në orën 16:00.