Si ndikojnë kolegët tuaj ta lini punën?

Si ndikojnë kolegët tuaj ta lini punën?

Nuk është vetëm shefi juaj i cili ju zemëron. Faktorë të ndryshëm mund të bëjnë kolegët të padurueshëm.

Për shkak se ne kalojmë shumicën e kohës tonë në punë, ka kuptim që të krijojmë miqësi me kolegët tanë. Përderisa këto marrëdhënie mund të ju bëjnë që mezi të prisni të shkoni në punë çdo ditë, shokët ende kanë mospajtime. Dhe brenda një zyre të ngushtë, dramat ndërpersonale mund të kenë ndikim të madh, dhe t’i bëjnë njerëzit të lënë punën, shkruan Ekonomia Online.

Një studim i ri nga faqja e karrierës “Comparably” anketoi më shumë se 36,000 punonjës në kompani të vogla, të mesme dhe të mëdha publike dhe private për marrëdhëniet e tyre në punë. Studiuesit zbuluan një statistikë të habitshme që një në tre punonjësit e anketuar thanë se një koleg i tyre i bënte ata të dëshironin të linin punën.

43 % e grave dhe 32 % e meshkujve thanë se dëshironin të linin punën për shkak të një kolegu. Punonjësit me moshë 36-40 raportuan se janë më të frustruar me kolegët e tyre se sa kolegët e tyre më të vjetër dhe më të rinj, me 40 %, duke raportuar se ata punojnë me një koleg i cili i bën ata të lënë punën.

Gjithashtu, sa më shumë përvojë që keni, aq më shumë gjasa keni të dëshironi të lini punën. Sipas të dhënave, punonjësit të cilët kanë punuar për më shumë se 10 vite në të njëjtën kompani kishin përqindjet më të larta të atyre të cilët dëshironin të largoheshin. Përveç kësaj, 37 % raportuan se ata punojnë me dikë i cili i bën të dëshirojnë të lënë punën.

Departamentet të cilat kishin sasinë më të vogël të njerëzve të cilët dëshironin të largoheshin për shkak të një kolegu ishin komunikimet (14 %), shërbimi i konsumatorëve (27 %) dhe burimet njerëzore (27 %). Në anën tjetër, punonjësit të cilët punonin në zhvillim biznesi dhe departamente të dizajnit kishin përqindjet më të larta të atyre të cilët dëshironin të largoheshin për shkak të një kolegu, 46 % dhe 45 %, përkatësisht. Kjo tregon se ndryshimet në vizion, qoftë diçka kreative apo përfituese, mund të dërgojë në konflikt madhor.

Prapavitë arsimore të punonjësve gjithashtu luanin rol. Kryesisht, sa më shumë kohë që keni kaluar në shkollë, aq më të irrituar keni gjasa të jeni me kolegët tuaj. Punonjësit të cilët kanë diplomë doktorature kishin më së shumti gjasa të thoshin se një koleg i ka mërzitur mjaftueshëm për të lënë punën, 47 % për të qenë të saktë. Ndërkohë, vetëm 26 % e punonjësve me diplomë të shkollës së mesme thanë se punonin me dikë i cili i bënte të dëshironin të linin punën.